Mtaalamu wa Ghana asema faida za AfCFTA kwa viwanda vya pili zitajitokeza

ACCRA - Mtaalamu wa masuala ya biashara kutoka Ghana amekadiria kwamba faida ambazo Eneo la Biashara Huria la Bara la Afrika (AfCFTA) litaleta kwa viwanda vya pili zitaibuka polepole tangu biashara eneo hilo lilipoanza rasmi mwaka mmoja uliopita.

Jonas Atangdui, Mkurugenzi wa Masuala ya Uchumi katika Taasisi ya utafiti wa Itikadi ya Kwame Nkrumah, chombo cha wataalam wa sera nchini Ghana, ameliambia Shirika la Habari la China, Xinhua katika mahojiano kuwa AfCFTA itatengeneza nafasi za ajira, mapato na mapato yatokanayo na kodi kwa serikali, na kupunguza gharama za kuagiza bidhaa kutoka nje za serikali za Afrika kupitia maendeleo ya viwanda vya pili katika bara hilo.

Mawaziri wa Biashara wa Umoja wa Afrika (AU) mnamo Januari 29 mwaka huu walitangaza kuhitimishwa kwa mazungumzo na kupitishwa kwa sheria za asili ya bidhaa ili kufidia asilimia 87.7 ya bidhaa zinazouzwa na nchi wanachama wake. Sheria hizi zinawakilisha vigezo vya kutumia chanzo cha bidhaa kutoka nchi mbalimbali na kuamua ushuru na vikwazo chini ya mikataba ya biashara.

Mtaalamu huyo amesema kumalizika kwa mazungumzo hayo ni mafanikio muhimu, ambayo yatawezesha biashara ya bidhaa zenye asili ya Afrika chini ya makubaliano ya biashara ya upendeleo kuanza.

"Hii ina maana kwamba huwezi kufanya biashara ya bidhaa zinazotengenezwa kikamilifu barani Ulaya au kwingineko chini ya makubaliano. Kiasi fulani cha ongezeko la thamani lazima kitoke ndani ya Afrika. Na hii itasababisha kuibuka kwa viwanda vya pili vya kulisha viwanda vikubwa na watumiaji," Atangdui amesema. 

Pia amepongeza kuzinduliwa kwa Mfumo wa Malipo na Makazi wa Pan-African (PAPSS), akiuelezea kuwa ni wenye mageuzi makubwa katika kuwezesha biashara barani humo.

"PAPSS ni hatua nyingine ambayo tunapaswa kusherehekea kutokana na umuhimu wake katika kurahisisha biashara. Kisha pia, kasi ya nchi za Afrika kutia saini mkataba huo ni ya kupongezwa. Hili ni bara linalojulikana kwa kuahirisha mambo. Lakini hili kwa wakati, wanaonekana kufanya kazi ndani ya muda, "amesema Atangdui.

Mtaalam huyo pia ameelezea kuanzishwa kwa chombo cha utatuzi wa migogoro ili kushughulikia migogoro ya kibiashara katika eneo la biashara huria kama habari ya kukaribisha.

"Migogoro itatokea, na migogoro hiyo lazima isuluhishwe kidemokrasia na kwa uwazi. Kwa hilo, watu watakuwa na imani na utaratibu wa utatuzi wa migogoro kwenye eneo hilo la biashara huria," ameongeza mtaalamu huyo.