Watafiti wa Chuo Kikuu cha Dar es Salaam wahimiza harakati ya upishi kwa nishati safi

Watafiti wa Chuo Kikuu cha Dar es salaam nchini Tanzania wamehimiza haja ya serikali kujumuisha kila mtu, bila kujali hali yake ya kiuchumi, katika mpango wake wa kubadili matumizi ya nishati safi ya kupikia.

Katika kurejea kwa haraka, hata hivyo, serikali ilisema wasiwasi wote kuhusu kujumuishwa utashughulikiwa katika mkakati mpya wa nishati utakaozinduliwa Juni mwaka huu.

Wakizungumza wakati wanaeleza sehemu ya matokeo ya tafiti zao katika Chuo Kikuu cha Dar es Salaam (UDSM), wataalamu hao wamebainisha kuwa kumekuwa na changamoto nyingi za ufikishaji wa nishati safi ya kupikia kwa kaya nyingi, kubwa ikiwa ni uwezo wa kumudu.

Watafiti wamejitokeza kuunga mkono ajenda ya matumizi ya nishati safi ya kupikia ya Tanzania, kupitia utafiti unaozingatia ushahidi unaolenga kuharakisha kupitishwa kwa matumizi ya gesi ya kumiminika (LPG).