Timu za uokoaji za China zashindana dhidi ya wakati kuokoa maisha nchini Myanmar (3)

Watu wa timu ya Uokoaji ya Blue Sky, kikosi cha msaada wa kiraia cha China, wakiangalia vifaa vya uokoaji kabla ya kuondoka katika Mji wa Chongqing, kusini-magharibi mwa China, Machi 30, 2025. (Picha na Feng Tao/Xinhua)

NAY PYI TAW/MANDALAY/KUNMING - Tangu tetemeko la ardhi la kipimo cha Richta 7.9 liikumbe Myanmar siku ya Ijumaa, timu kadhaa za uokoaji za China zimewasili katika nchi hiyo ya Asia Kusini-Mashariki na zinashindana dhidi ya wakati kuokoa maisha pamoja na timu za uokoaji za nchini humo.

Timu ya watu 37 ya uokoaji na matibabu kutoka Mkoa wa Yunnan wa China imewasili kwenye Uwanja wa Ndege wa Kimataifa wa Yangon wa Myanmar majira ya saa 1 asubuhi kwa saa za Mynmar siku ya Jumamosi, ikiwa imebeba vifaa vya dharura kama vile vifaa vya kugundua uhai wa watu, mifumo ya tahadhari ya mapema ya tetemeko la ardhi, simu za satalaiti zinazobebeka kirahisi na droni.

Timu hiyo mara moja ilijiunga na kikosi cha zima moto na uokoaji cha Myanmar na kuelekea katika mji mkuu ulioathirika vibaya wa Nay Pyi Taw. Jumamosi jioni, timu hiyo ya uokoaji ilifika katika mji mkuu huo na kuanza kazi ya uokoaji mara moja.