China yazindua mradi wa kimataifa kusukuma mbele utafiti wa "jua bandia"

Wanasayansi wa muunganiko wa nishati kutoka nchi zaidi ya 10 wakisaini Azimio la Fusion la Hefei kwenye uzinduzi wa Mradi wa Kimataifa wa Sayansi wa CAS kuhusu Plasma inayowaka na kutolewa kwa Mpango wa Utafiti wa BEST mjini Hefei, Mkoani Anhui, mashariki mwa China, Novemba 24, 2025. (Xinhua/Zhou Mu)

HEFEI – China imezindua mradi wa kimataifa wa sayansi unaolenga utafiti wa plasma inayowaka katika mji wa Hefei, mji mkuu wa Mkoa wa Anhui, mashariki mwa China, ikifungua majukwaa kadhaa makubwa ya utafiti wa muunganiko wa nishati kwa wanasayansi duniani kwa ajili ya maendeleo ya pamoja ya kisayansi.

Mradi huo wa kimataifa, ulioanzishwa na Taasisi ya Fizikia ya Plasma ya Akademia ya Sayansi ya China, utatoa ufikiaji wa kimataifa kwa majukwaa mengi makubwa ya utafiti wa muunganiko wa nchi hiyo, ikiwemo kifaa cha Majaribio ya Superconducting Tokamak cha plasma inayowaka (BEST) mjini Hefei.

Kwenye shughuli ya uzinduzi, wanasayansi wa muunganiko wa nishati kutoka nchi zaidi ya 10, zikiwemo Ufaransa, Uingereza na Ujerumani, walitia saini na kutoa Azimio la Fusion la Hefei ili kuendeleza sayansi wazi na kuhamasisha watafiti duniani kote kujiunga na juhudi za utafiti wa muunganiko wa nishati nchini China.

Nishati ya muunganiko, ambayo inaiga mchakato wa uzalishaji wa umeme kwa nishati ya jua, inasifiwa kuwa chanzo bora cha nishati safi.

Katika miaka ya hivi karibuni, utafiti wa muunganiko wa nishati wa China umekuwa ukiharakishwa, na kuvunja rekodi za dunia mara kwa mara. Likiwa ni "jua bandia" la kizazi kipya la China, kifaa cha BEST kimepangwa kukamilika ifikapo mwisho wa mwaka 2027. 

Meneja wa programu wa EUROfusion Gianfranco Federici akitoa hotuba kwenye uzinduzi wa Mradi wa Kimataifa ya Sayansi ya CAS kuhusu Muunganiko wa Nishati ya Plasma inayowaka na kutolewa kwa Mpango wa Utafiti wa BEST mjini Hefei, Mkoani Anhui, mashariki mwa China, Novemba 24, 2025. (Xinhua/Zhou Mu)

Song Yuntao, makamu mkuu wa Taasisi za Sayansi Halisi za Hefei na mkurugenzi wa Taasisi ya Fizikia ya Plasma ya Akademia ya Sayansi ya China (ASIPP), akiwasilisha ripoti kwenye uzinduzi wa Mradi wa Kimataifa ya Sayansi ya CAS kuhusu Muunganiko wa Nishati ya Plasma inayowaka na kutolewa kwa Mpango wa Utafiti wa BEST mjini Hefei, Mkoani Anhui, mashariki mwa China, Novemba 24, 2025. (Xinhua/Zhou Mu)

Jerome Bucalossi, mkurugenzi wa Taasisi ya Utafiti kuhusu Muunganiko wa Atomi kwa Udhibiti wa Sumaku katika Tume ya Nishati Mbadala ya Ufaransa na Nishati ya Atomiki (CEA), akitoa hotuba kwenye uzinduzi wa Mradi wa Kimataifa ya Sayansi ya CAS kuhusu Muunganiko wa Nishati ya Plasma inayowaka na kutolewa kwa Mpango wa Utafiti wa BEST mjini Hefei, Mkoani Anhui, mashariki mwa China, Novemba 24, 2025. (Xinhua/Zhou Mu)

Picha iliyopigwa Novemba 24, 2025 ikionyesha eneo la ujenzi wa Kituo cha Majaribio ya Superconducting Tokamak cha Muunganiko wa Nishati ya Plasma inayowaka (BEST) mjini Hefei, Mkoani Anhui, mashariki mwa China. (Xinhua/Zhou Mu)