Idadi ya waliofariki dunia katika ajali ya moto kwenye eneo la makazi la Hong Kong, China yafikia 55

Picha hii iliyopigwa Novemba 26, 2025 ikionyesha waokoaji wakifanya kazi kwenye sehemu ya ajali ya moto ya majengo ya wakazi, Hong Kong, kusini mwa China. (Xinhua/Chen Duo)

HONG KONG - Idara ya Huduma za Zimamoto ya Serikali ya Mkoa wa Utawala Maalum wa Hong Kong (HKSAR) imesema mapema leo Alhamisi kuwa Idadi ya watu waliofariki dunia katika ajali ya moto kwenye eneo la makazi la Hong Kong, China imefikia 55.

Taarifa ya awali ya serikali hiyo ilisema kuwa, moto huo uliozuka mbali na kusababisha vifo hivyo hadi sasa, pia umeteketeza majengo ya makazi ya sehemu moja katika eneo la Tai Po la Hong Kong jana Jumatano alasiri.

Idara ya Huduma za Zimamoto ya serikali ya HKSAR ilipata ripoti kuhusu ajali hiyo ya moto siku hiyo ya Jumatano majira ya saa 8:51 mchana kwa saa za Hong Kong.

Kutokana na moto huo mkali, idara hiyo ilipandisha tahadhari ya moto hadi kufikia tahadhari No. 5 saa 12:22 jioni kwa saa za Hong Kong. Idara hiyo ilisema, shughuli za uokoaji zilikuwa bado zinaendelea.

Mjumbe mmoja wa timu ya huduma akifanya kazi katika dawati la utoaji msaada la idara mbalimbali baada ya moto kuzuka kwenye sehemu moja ya majengo ya wakazi katika eneo la Tai Po, Hong Kong, kusini mwa China, Novemba 26, 2025. (Xinhua/Chen Duo)

Maofisa wa Polisi wakifanya kazi katika dawati la utoaji msaada la idara mbalimbali baada ya moto kuzuka kwenye sehemu moja ya majengo ya wakazi katika eneo la Tai Po, Hong Kong, kusini mwa China, Novemba 26, 2025. (Xinhua/Chen Duo)

Picha hii iliyopigwa Novemba 26, 2025 ikionyesha waokoaji wakifanya kazi kwenye sehemu ya ajali ya moto ya majengo ya wakazi , Hong Kong, kusini mwa China. (Xinhua/Chen Duo)

Picha hii iliyopigwa Novemba 26, 2025 ikionyesha waokoaji wakifanya kazi kwenye sehemu moja ya ajali ya moto ya majengo ya wakazi, Hong Kong, kusini mwa China. (Xinhua/Chen Duo)

Dawati la utoaji msaada la idara mbalimbali likiwa limewekwa kwenye Hospitali ya Mwanamfalme wa Wales baada ya moto kuzuka kwenye sehemu moja ya majengo ya wakazi katika eneo la Tai Po, Hong Kong, kusini mwa China, Novemba 26, 2025. (Xinhua/Zhu Wei)