Shule za roboti mjini Beijing, China zaongeza mafunzo ya AI kwa roboti za umbo la binadamu (3)

Mfanyakazi akiifanyia mafunzo roboti kwenye Kituo cha Mafunzo ya Data ya Roboti katika Bustani ya Shougang, Eneo la Shijingshan, Beijing, mji mkuu wa China, Machi 25, 2026. (Xinhua/Zhang Chenlin)

Machi 25, idadi kubwa ya roboti za hali ya juu za kutumia AI zilivutia ufuatiliaji mkubwa. Katika Kituo cha Mafunzo ya Data ya Roboti katika Mji wa Beijing, China, roboti zinazidi kuwa na akili zaidi kupitia mafunzo kwenye "Shule ya Roboti."

Hapa, roboti hukusanya data katika mazingira mbalimbali kama vile uzalishaji bidhaa viwandani, nyumba za kisasa, na huduma za kibiashara, zikitoa uungaji mkono wa data kwa ajili ya utafiti na uundaji wa roboti zenye umbo la binadamu. Wakusanya data huendesha roboti hizo kukamilisha mfululizo wa kazi maalum, zikitoa kiasi kikubwa cha data za mjongeo ili kuboresha "akili" za roboti.

Katika siku za baadaye, roboti hizi zitatumika viwandani, kwenye supamaketi, majumani, na katika mazingira mengine ya matumizi.

Kwenye eneo maalum la viwanda vya uvumbuzi wa roboti za kutumia AI katika mtaa wa Zhongguancun, Haidian, waandishi wa habari walipata ufahamu kuhusu teknolojia muhimu zinazowezesha vitendo nyumbulika na vya haraka wa roboti.

Maendeleo hayo ya haraka ya sekta ya ya roboti zenye umbo la binadamu yameongeza mahitaji makubwa zaidi kwa udhibiti wa mijongeo ya mikono na mafunzo ya AI.

Kampuni ya Teknolojia ya Beijing Noitom, ikitegemea vitambuzi vya inertial na teknolojia ya kipimo cha mijongeo mseto ya macho/inertial vilivyoundwa kwa kujitegemea, hutoa uungaji mkono muhimu wa kiufundi kwa ajili ya uundaji wa roboti zenye umbo la binadamu kupitia mfumo wa kukamata mijongeo kwa usahihi wa hali ya juu.

Jitihada hiyo inawezesha utendaji unaosanifishwa zaidi unaofanana kwa karibu na mijongeo ya mikono ya binadamu, ikitoa mbinu mpya kwa upigaji hatua wa viwanda.