Milipuko yasikika kusini mwa Iran huku Marekani ikitangaza mashambulizi ya "kujilinda"

Watu wakihudhuria hafla ya mazishi, Tehran, Iran, Aprili 1, 2026. (Xinhua/Shadati)

TEHRAN - Milipuko kadhaa ilisikika mapema Jumatano na mifumo ya ulinzi wa anga ilianza kufanya kazi katika mji wa bandari wa Bandar Abbas, Kisiwa cha Qeshm, Kaunti ya Sirik na Kaunti ya Jask kusini mwa Iran, Televisheni ya IRIB ya serikali ya Iran imeripoti, ikirejelea vyanzo vya habari husika.

Shirika la habari la Tasnim linalomilikiwa kwa sehemu na serikali ya Iran limeripoti kwamba milipuko sita imesikika katika maeneo ya Sirik, Kisiwa cha Qeshm na mji wa kusini wa Minab, likiongeza kuwa sehemu kadhaa katika maeneo hayo matatu zimeshambuliwa kwa ndege za kivita za Marekani.

Milipuko hiyo ilikuja wakati Kamandi ya Kati ya Marekani ikisema kwenye jukwaa la mtandao wa kijamii wa X kwamba "vikosi vyake vimeanza kufanya mashambulizi ya kujilinda dhidi ya Iran saa 11 jioni ET leo kwa maelekezo ya Kamanda Mkuu, katika kujibu kitendo cha kuangushwa kwa helikopta ya Jeshi la Marekani ya Apache jana."

"Operesheni hii ni jibu sawia kwa uchokozi usio na msingi wa Iran," iliongeza.

Rais wa Marekani Donald Trump jana Jumanne aliishutumu Iran kwa kudungua helikopta hiyo ya Jeshi la Marekani karibu na Mlango-Bahari wa Hormuz na akaapa kujibu.

Marubani wawili waliokuwa ndani ya helikopta hiyo wameokolewa na "wako salama na hawajajeruhiwa," Trump alisema.

"Hata hivyo, Marekani lazima, kwa umuhimu, ijibu shambulio hili," aliongeza.