Si vigumu kupata mwanamichezo ambaye ameshiriki katika Michezo ya Olimpiki ya Majira ya joto na Majira ya baridi; lakini kazi ngumu ni kupata mmoja ambaye ameshinda medali ya dhahabu katika matoleo yote mawili ya michezo ya olimpiki. Kwa hakika, mwanamichezo wa Marekani Edward Eagan ndiye mtu pekee hadi sasa ambaye ameshinda medali za dhahabu kwenye Olimpiki ya Majira ya joto na ya baridi.
Jumla ya wanamichezo 2,892 wanatazamiwa kushiriki katika mashindano ya michezo huko Beijing Mwaka 2022, kati yao, 1,314 ni wanawake, ambayo imechukua asilimia 45.2.
Michezo ya Olimpiki ya Majira ya Baridi ya Beijing ya 2022 imepangwa kujumuisha jumla ya mashindano 109 ya medali, na saba kati ya mashindano hayo ni mapya kwa Michezo ya Majira ya Baridi. Mashindano saba mapya yatajumuisha mashindano ya kuteleza kwenye barafu kwa ubao kwa wanawake na kuteleza kwenye barafu kwa ubao kwa wanaume na wanawake mtindo huru, pamoja na mchezo wa mbio za kupokezana za njia fupi za kuteleza kwenye barafu kwa kasi, mchezo wa kuteleza kwenye barafu kwa ubao na kuruka juu, mashindano ya ustadi wa kuteleza kwenye barafu kwa mtindo huru, na mashindano ya kuteleza kwenye barafu kwa ubao kwa kuvuka vikwazo.
Tofauti kubwa kati ya mbio za kuteleza kwa kasi na mbio za njia fupi za kuteleza kwa kasi kwenye barafu ni urefu wa mzunguko, urefu wa njia ya kuteleza kwa kasi ni mita 400 kwa mzunguko mmoja wakati kuteleza kwa kasi kwa njia fupi ni mita 111.12.