Handaki la Jingu Haihe kwenye njia ya Reli ya Mwendokasi ya Tianjin-Weifang lakamilika kuchimbwa kwa mafanikio

Picha hii iliyopigwa Novemba 27, 2025 ikionyesha mandhari ya eneo la ujenzi wa Handaki la Jingu Haihe kwenye njia ya Reli ya Mwendokasi ya Tianjin-Weifang mjini Tianjin, kaskazini mwa China. (Xinhua/Li Ran)

Handaki la Jingu Haihe kwenye njia ya Reli ya Mwendokasi ya Tianjin-Weifang mjini Tianjin, kaskazini mwa China limekamilika kuchimbwa kwa mafanikio jana Alhamisi.

Handaki hilo la Jingu Haihe lenye urefu wa kilomita 6.7 ni handaki pekee kwenye njia nzima ya reli hiyo, likiwa na kipenyo cha juu cha kuchimbwa kinachofikia mita 13.8. Pia ni handaki la kwanza la reli ya mwendokasi kuvuka Mto Haihe.

Reli ya Tianjin-Weifang itakapokamilika itaunganisha Stesheni ya Reli ya Binhai mjini Tianjin na Stesheni ya Reli ya Weifang Kaskazini katika Mkoa wa Shandong, mashariki mwa China. Njia hiyo ya reli ina urefu wa kilomita takriban 349 na uendeshaji wa treni umesanifiwa kwa kasi ya kilomita 350 kwa saa.