Mwogeleaji wa China, Yu Zidi, apata ushindi wa kwanza mkubwa kwenye michezo ya Asia

Washindi wa medali za dhahabu na fedha wa China, Yu Zidi (katikati) na Chang Mohan (kushoto), na mshindi wa medali ya shaba wa Japan Okuzono Misa wakipiga picha wakati wa sherehe ya utoaji wa tuzo ya mashindano ya kuogelea mita 200 kwa mtindo wa kipepeo wa wanawake katika Michezo ya 20 ya Asia ya Aichi-Nagoya 2026 huko Tokyo, Japan, Septemba 20, 2026. (Xinhua/Wu Zhizun)

Mwogeleaji wa China mwenye umri wa miaka 13, Yu Zidi, alishiriki kwa mara ya kwanza katika Michezo ya Asia Jumapili kugombea taji lake la kwanza kwenye mashindano makubwa, huku China ikipata medali sita za dhahabu, moja ya fedha, na mbili za shaba katika siku ya ufunguzi wa mashindano ya kuogelea katika Michezo hiyo.

Yu alitawala mashindano ya kuogelea kwa wanawake mita 200 kwa mtindo wa kipepeo kwa kutumia muda wa dakika 2 na sekunde 5.08, na kuweka rekodi mpya ya michezo hiyo. Mwogeleaji mwenzake mchina, Chang Mohan, alipata medali ya fedha kwa kutumia muda wa dakika 2:08.44. Yu alisema huku akitabasamu, "Natumai naweza kuogelea kwa kasi zaidi, naamini kuwa nitafanya vizuri zaidi wakati ujao."

Kwa Yu, medali ya dhahabu ni mwanzo wa safari yake ya Michezo ya Asia. Mwaka jana alikuwa mshindi mwenye umri mdogo zaidi wa medali ya ubingwa wa dunia wa kuogelea katika historia akiwa na umri wa miaka 12, alipoisaidia China kupata medali ya shaba katika mbio za wanawake za mita 4x200 mtindo huru kupokezana huko Singapore. Pia ni mmoja wa wanamichezo vijana zaidi walioteuliwa kugombea tuzo za Laureus za Michezo Duniani.

Yu Zidi (mbele) wa China akishindana wakati wa fainali ya mchezo wa kuogelea mita 200 kwa mtindo wa kipepeo kwa wanawake katika Michezo ya 20 ya Asia ya Aichi-Nagoya 2026 huko Tokyo, Japan, Septemba 20, 2026. (Xinhua/Chen Zeguo)