Idadi ya Waliofariki katika Ajali ya Kugongana kwa Boti DRC Yafikia 26

Kwa mujibu wa taarifa za vyombo vya habari nchini Jamhuri ya Kidemokrasia ya Kongo (DRC) zilizotolewa tarehe 6, vyombo viwili vya majini vilivyogongana kwenye Mto Kongo katika Mkoa wa Équateur zimesababisha vifo vya watu 26, na wengine 82 wakiwa hawajulikani walipo.

Taarifa zinaonyesha kuwa vyombo hivyo vya majini vilikuwa vimebeba watu 163 wakati wa ajali hiyo. Hadi sasa, watu 55 wameokolewa na miili 26 imepatikana; watu 82 bado hawajulikani walipo, na shughuli za utafutaji na uokoaji zinaendelea.

Taarifa hizo zimemnukuu Crispin Mputu Muliya, Waziri wa Mambo ya Ndani wa Jimbo la Équateur, akisema kuwa ajali hiyo ilitokea usiku wa tarehe 3 hadi mapema tarehe 4, na sababu halisi za ajali hiyo zinachunguzwa.