AUSSOM yathibitisha kuwaua zaidi ya wapiganaji 50 wa al-Shabab kusini mwa Somalia

Tume ya Mpito ya Umoja wa Afrika nchini Somalia (AUSSOM) imethibitisha Jumapili kuwa, wanajeshi wake wakiungwa mkono na vikosi vya serikali ya Somalia, wamewaua zaidi ya wapiganaji 50 wa al-Shabab wakati wa mapigano makali yaliyotokea Ijumaa mjini Bariire, kusini mwa Somalia.

Tume hiyo imefafanua kuwa, vikosi vyake vikishirikiana na jeshi la Somalia (SNAF), zilianzisha mashambulizi makubwa ya kuudhibiti tena mji wa Bariire tarehe 1 Agosti, ikijibu madai yaliyotolewa na al-Shabab kuhusu kuharibiwa kwa magari ya kivita ya Umoja wa Afrika na kurudi nyuma kwa wanajeshi wake baada ya mapigano makali huko Bariire.

Mji wa Bariire ambao ni maarufu kwa kilimo, ni moja ya maeneo ya kimkakati yaliyoko mkoa wa Lower Shabelle kando ya Mto Shabelle.