Kaimu rais wa Venezuela asema tofauti na Marekani zitatatuliwa kwa njia ya diplomasia

Kaimu Rais wa Venezuela Bibi Delcy Rodriguez amesema tofauti kati ya Venezuela na Marekani zitatatuliwa kwa njia za kidiplomasia.

Akizungumza jana Jumapili katika hafla na wafanyakazi kwenye kiwanda cha kusafisha mafuta cha Puerto La Cruz kaskazini mashariki mwa Venezuela, Rodriguez amesema serikali yake itashughulikia migogoro ya muda mrefu na Marekani ana kwa ana kupitia kile alichokielezea kuwa diplomasia ya Bolivarian.

Amesema Venezuela haikuwahi kufikiria kwamba mji mkuu wake wa Caracas ungeshambuliwa na taifa la kigeni, akirejelea tukio la tarehe 3 mwezi huu, wakati vikosi vya Marekani vilipoishambulia Caracas na kumteka kwa nguvu Rais Nicolas Maduro na mkewe.