Xi atoa wito wa China na DPRK kuimarisha msingi wa kuaminiana, kuhimiza ushirikiano wa kivitendo (3)

Xi Jinping, Rais wa China ambaye pia ni katibu mkuu wa Kamati Kuu ya Chama cha Kikomunisti cha China (CPC), akifanya mazungumzo na Kim Jong Un, Rais wa Kamati ya Mambo ya Kitaifa ya Jamhuri ya Watu ya Kidemokrasia ya Korea (DPRK) ambaye pia ni katibu mkuu wa Chama cha WPK, katika Jumba la Wageni la Serikali la Kumsusan, huko Pyongyang, DPRK, Juni 8, 2026. (Xinhua/Li Xiang)

PYONGYANG - Xi Jinping, Rais wa China ambaye pia ni katibu mkuu wa Kamati Kuu ya Chama cha Kikomunisti cha China (CPC), amesema kwamba China na Jamhuri ya Watu ya Kidemokrasia ya Korea (DPRK) zinapaswa kuimarisha msingi wa kuaminiana kisiasa na kuinua kiwango cha ushirikiano wa kivitendo.

Xi ameyasema hayo jana Jumatatu wakati wa mazungumzo yake na Kim Jong Un, Rais wa Kamati ya Mambo ya Kitaifa ya DPRK na katibu mkuu wa Chama cha Worker cha Korea (WPK).

Xi amesema kuwa baada ya miaka saba, anafurahi sana kufanya ziara kwa mara nyingine tena katika jiji zuri la Pyongyang, na anahisi hali ya upendo na mazingira aliyoyajua.

Akisema anapenda kushirikiana na Kim katika kuchukua ziara hiyo kuwa fursa ya kuimarisha mpango wa ngazi ya juu na mwongozo wa kimkakati kwa uhusiano kati ya China na DPRK katika zama mpya, kuufanya uhusiano wa pande mbili uendelezwe kwa kufuata wakati na kufikia maendeleo makubwa zaidi, ili kuleta manufaa mazuri zaidi kwa nchi hizo mbili na watu wake, na kutoa mchango wa kuhimiza hamasa kwa ajili ya amani, utulivu, maendeleo na ustawi katika kanda na dunia.

Xi akisisitiza kwamba China na DPRK zote ni nchi za kijamaa zinazoongozwa na vyama vya kikomunisti, urafiki wa jadi kati ya nchi hizo mbili umekita mizizi katika matumaini na nia zao za pamoja na malengo yao ya pamoja, na unategemea msingi mkubwa wa kihistoria, msingi imara wa kisiasa na kiunganishi cha kihisia.

Xi amesema kuwa urafiki unaoendelea kizazi hadi kizazi, mustakabali wa pamoja na kuungana mkono siku zote vimekuwa sifa wazi ya uhusiano kati ya China na DPRK.

"Haijalishi hali ya kimataifa inavyobadilika namna gani, msimamo wa kithabiti wa Chama na serikali ya China wa kuthamini sana urafiki wa jadi kati ya China na DPRK hautabadilika, uungaji mkono thabiti kwa Katibu Mkuu Kim kuongoza mambo ya kijamaa ya DPRK hautabadilika, na ahadi thabiti ya kulinda maslahi ya pamoja ya nchi hizo mbili na kuhifadhi mazingira mazuri ya kimkakati havitabadilika," Xi amesema.

Xi amesema kwamba, katika kukabiliana na mabadiliko makubwa ambayo hayakuonekana katika miaka 100 iliyopita ambayo yanaongezeka kwa kasi kote duniani, pande hizo mbili zinapaswa kuchukua mtazamo mpana na wa muda mrefu, kujenga siku mpya za baadaye kwenye msingi wa kufanya majumuisho kuhusu mafanikio ya siku za nyuma.

Kim Jong Un akimwita Xi ni mgeni anayeheshimika zaidi wa watu wa DPRK, amesema kwamba nchi yake imemkaribisha Xi kwa furaha kubwa zaidi na udhati zaidi kufanya ziara nchini DPRK baada ya miaka saba iliyopita.

" Xi amechagua Pyongyang kuwa kituo cha kwanza katika ziara yake ya nje ya nchi mwaka huu, hii inaonyesha vya kutosha anatilia maanani sana uhusiano kati ya DPRK na China na urafiki mkubwa kati ya nchi hizo mbili, na hii inatia moyo zaidi upande wa DPRK," Kim amesema.

"Ziara hii kwa mara nyingine inaonyesha wazi kwamba uhusiano kati ya DPRK na China ni usioweza kuvunjika," Kim amesema.

Kim akiuita uhusiano wa pande mbili kuwa uliojaribiwa na nyakati, na uhusiano wa pande mbili siku zote umesimama upande sahihi wa historia na kutetea kujiamulia na usawa.

Ameeleza shukrani za dhati kwa mapendekezo muhimu yaliyotolewa na Xi juu ya kusukuma mbele uhusiano kati ya DPRK na China katika zama mpya, akiongeza kuwa idara husika za upande wa DPRK zitashirikiana kwa karibu na upande wa China na kufanya juhudi za kutekeleza mapendekezo hayo kwa pande zote.