Kisiwa cha Gulangyu, "Bustani ya Baharini" ya kuvutia karibu na pwani ya Xiamen, Mkoa wa Fujian, kusini mashariki mwa China, kwa muda mrefu kimekuwa mahali pa kukutana tamaduni, ambako historia, muziki na maisha ya kila siku huchangamana katika mazingira ya kipekee ya ushairi. Hivi karibuni, Aris, kutoka Tanzania, alisafiri akiwa na picha ya Tingatinga kutoka nchi yake kwenda katika kisiwa hicho na kuanza safari ya kipekee ya biashara ya kubadilishana vitu kwa vitu na mabadilishano kwenye kisiwa hicho.
KIGALI - Kwenye mashamba yenye rutuba ya Kijiji cha Ibiza, Wilaya ya Kayonza mashariki mwa Rwanda, safu za pilipili nyekundu zilizostawi ni zaidi ya zao la kuuzwa nje -- zinabadilisha maisha. Kwa mamia ya wakulima katika wilaya hiyo ya Kayonza, mauzo ya nje ya pilipili yanayozidi kuongezeka ya Rwanda kwenda China yanafungua njia ya kutoka katika umaskini, yakichochewa na sera ya ushuru-sifuri ya China na mahitaji makubwa ya soko la China.
Kongamano la ngazi ya juu kuhusu Maonesho ya 9 ya Uagizaji Bidhaa ya Kimataifa ya China (CIIE) na Jukwaa la tisa la Uchumi la Kimataifa la Hongqiao (HQF) lilifanyika Jumanne katika makao makuu ya Umoja wa Afrika mjini Addis Ababa, Ethiopia, likisisitiza haja ya kutumia vizuri majukwaa haya "maalum na yenye nguvu" ili kuingia kwenye soko kubwa la China na kuharakisha ukuaji wa viwanda barani Afrika. Kongamano hilo la ngazi ya juu liliandaliwa kwa pamoja na Idara ya CIIE na Sekritarieti ya Jukwaa la Hongqiao, kwa ushirikiano na Ujumbe wa China katika Umoja wa Afrika na Kamisheni ya umoja huo.
Aprili 12, maonyesho ya "Kufunzana kati ya Ustaarabu" — Maonyesho ya Sanaa za Vinyago vya Afrika kutoka kwenye ukusanyaji wa Jumba la Makumbusho ya Sanaa ya Kitaifa ya China" yalifunguliwa kwenye Jumba la Makumbusho ya Sanaa ya Kitaifa ya China mjini Beijing. Yakiwa ni mradi muhimu wa "Mwaka wa Mawasiliano ya Kitamaduni kati ya Watu wa China na Afrika 2026," maonyesho hayo yanaandaliwa kwa ushirikiano na Jumuiya ya China kwa ajili ya Mabadilishano ya Kitamaduni na Nchi za Nje na Jumba la Makumbusho ya Sanaa ya Kitaifa ya China.