Habari--专题--People's Daily Online

Watu wakitembelea banda la kampuni moja ya China kwenye Maonyesho ya Umeme na Nishati ya Afrika na Maonyesho ya Nishati ya Jua ya Afrika jijini Nairobi, Kenya, Julai 29, 2026. (Xinhua/Liu Qiong)

Kampuni za China zashiriki kwenye Maonyesho ya Umeme na Nishati ya Afrika na Maonyesho ya Nishati ya Jua ya Afrika

Kampuni mbalimbali za China zinashiriki kwenye Maonyesho ya Umeme na Nishati ya Afrika na Maonyesho ya Nishati ya Jua ya Afrika yanayofanyika kuanzia Tarehe 29 hadi 31 Julai jijini Nairobi, Kenya. Kampuni hizo zinaonesha teknolojia mpya na uvumbuzi katika umeme unaozalishwa kwa nishati ya jua, uhifadhi wa nishati na zana na vifaa vya umeme ili kusaidia kuhimiza miundombinu ya nishati barani Afrika ipandishwe ngazi mpya.

Wageni wakizindua Kituo cha Mafunzo ya Upasuaji kwa Kutumia Roboti cha China na Afrika na Kituo cha Mafunzo ya Teknolojia ya Endoskopia cha China na Afrika katika Hospitali Kuu ya Silk Road, Addis Ababa, mji mkuu wa Ethiopia, Julai 27, 2026. (Xinhua/Geng Xinning)

Mipango ya ushirikiano wa kimatibabu kati ya China na Afrika yazinduliwa nchini Ethiopia ili kuifanya huduma ya afya kuwa ya kisasa

ADDIS ABABA - China na Afrika zimezindua mipango ya ushirikiano wa kimatibabu mjini Addis Ababa, mji mkuu wa Ethiopia jana Jumatatu, inayolenga kuzifanya huduma za afya ya umma barani humo kuwa za kisasa, ikiwa ni sehemu ya kuzidisha mifumo ya ushirikiano wa kivitendo wa afya ya umma kati ya China na Afrika. Hafla hiyo iliyoandaliwa kwa pamoja na Hospitali ya Xiangya ya Chuo Kikuu cha Kusini Kati cha China, Hospitali Kuu ya Silk Road ya Addis Ababa, na Muungano wa Hospitali wa China na Afrika, imeshuhudia uzinduzi wa Mpango wa Ushirikiano kati ya China na Afrika kwa Tiba ya Upasuaji Kidogo, pamoja na uzinduzi wa Kituo cha Mafunzo ya Upasuaji kwa Roboti kati ya China na Afrika na Kituo cha Mafunzo ya Teknolojia ya Endoskopia kati ya China na Afrika.

Treni ya mizigo ikionekana katika Stesheni ya Reli ya Port Reitz kwenye ya Reli ya Standard Gauge (SGR) ya Mombasa-Nairobi, Mombasa, Kenya, Julai 9, 2026. (Xinhua/Xie Jianfei)

Kiasi cha mizigo cha reli ya SGR ya Kenya chazidi tani milioni 50

NAIROBI - Kiasi cha jumla cha mizigo kilichosafirishwa kwenye ya Reli ya Standard Gauge (SGR) ya Mombasa-Nairobi ya Kenya, mradi kinara chini ya ushirikiano wa Ukanda Mmoja, Njia Moja (BRI), kimezidi tani milioni 50 kufikia Julai 26, Kampuni ya Uendeshaji wa Reli ya Africa Star (Afristar) imesema Jumatatu. Kampuni hiyo imesema tangu kuanza kwa uendeshaji wake Mei 31, 2017, reli hiyo ya SGR ya Mombasa-Nairobi imedumisha rekodi ya uendeshaji salama kwa siku zaidi ya 3,300 mfululizo.

Wanafunzi wakihudhuria darasa katika Shule ya Sekondari ya Minsenga iliyojengwa na Kampuni ya Sino-Metals Leach Tawi la Zambia, Kalulushi, Jimbo la Copperbelt, Zambia, Julai 14, 2026. (Picha na Martin Mbangweta/Xinhua)

Kampuni za China zapanua njia ya kufikia elimu kwa watoto wa vijijini nchini Zambia

LUSAKA - Mirriam Chola, mwanafunzi katika Jimbo la Copperbelt la Zambia, kwa muda mrefu alikuwa akiota kuhudhuria shule ambayo anaweza kufika kwa kutembea kwa miguu kutoka nyumbani kwake huko Kalulushi, mji wa pembezoni karibu na mpaka na Jamhuri ya Kidemokrasia ya Kongo. "Nilikuwa nikisoma katika shule ya Katoliki ambapo nilikuwa na changamoto ya kuwa pamoja na familia yangu, na nilikuwa nikiwakumbuka sana," Chola amekumbushia.