Wanasayansi wa China watengeneza roboti ya kwanza duniani inayosaidia mchakato wa kilimo cha mbegu (3)

Roboti ya GEAIR inafanya majaribio ya uchavushaji kwenye maabara katika Idara ya utafiti wa Jenetiki na Maendeleo ya kibiolojia (IGDB) ya Taasisi kuu ya Sayansi ya China (CAS) mjini Beijing, China, Agosti 12, 2025. (Xinhua/Jin Liwang)

Wanasayansi wa China hivi karibuni wameunda roboti ya kwanza duniani yenye uwezo wa kusaidia uchavushaji, ikionyesha ushirikiano wa kina wa teknolojia ya kibioteknolojia na teknolojia ya AI katika sekta ya kilimo cha mbegu.

GEAIR, ni jina la modeli mpya ya roboti yenye msingi wa AI, ambayo inatarajiwa kuwezesha mabadiliko ya kazi ya kuandaa mbegu kutokana na kilimo kinachotegemea uzoefu hadi kilimo cha kisasa chenye usahihi.

Hali ambayo zamani ilikuwa kwenye filamu za kisayansi za kufikirika, sasa limekuwa ni jambo halisi linalofanyika kwenye mabanda ya kilimo, ambapo roboti ya GEAIR inatambua ua kwa usahihi na kupanua mikono yake ili kukamilisha uchavushaji kwa upole. Roboti hiyo ilitembea kwa kasi kati ya maua na kufanya kwa usahihi mchakato mzima wa kazi ya kuandaa mbegu. 

Mtafiti wa IGBD Bw. Xu Cao anasema,"AI na roboti vinatoa fursa kubwa katika kubadilisha kazi ya kuandaa mbegu kwenye sekta ya kilimo kuwa sahihi, ili kuongeza mavuno ya mazao, kupunguza gharama na kuhimiza mazoea endelevu.”